۲۱ آذر قیامی آذربایجان  خالقینین تاریخ  بویندا بویوک قیام لاریندان  بیریدیر.

 آذربایجان خلقی  آرادلیق و عدالت و برابرلیک یولوندا  دفعه له ر سلاح اله آلیب و ایاقا قاخیب و حماسه له ر یارادارکن ئوز ایستک لرینی اوجا سس ایله آریا قویوب ، بابک قیامیندان تا مشروطه انقلابنا و مشروطه انقلابیندان تا 21 آذر 1324 راجا تاریخی حرکت له ر وسلاحلی قیاملار ظلم وستم علیهینه قاباقا آپاریلیب،  بو ایستکلر و چالیشمالار 21 آذر قیامیندا و بیر ایل انقلابی ودموکراتیک حکومتنیین  اثرله ری ها بیله اقتصادی واجتماعی  دریشیک له ر ده  اوز حقیقی  سیماسینی  منعکس ادیر..۲۱  آذر قیامی  اول بار ایران دا سیاسی حاکمیت مسئله سینی زحمتکش  ،  ایشچی ، اکینچی  قادینلار و خلق نفعینه حل ادیب  واونی فئودال لار ، بویوک اشراف و امپریالیسم عامللرینین الیندن آلیب و خلقی ئوز سرنویشتینه حاکیم ئدی ، ۲۱آذر قیامی نتیجه سینده  ایران واورتا شرقین بیر بویوک  حسسه سینده  ، یعنی آذربایجاندا  ارتجانین وامپریالیسمین  اجتماعی ، اقتصادی  ونظامی دایاقلاری بتون ویران اولوب و خلق الینین آلتینا گتیریلدی . بوتون ایرانی  ظلم وستم و استبداد آلتیندان  وامپریالیسم وارتجاع اسارتینده ن قوتارماق ، مرتجع شاهی تخت اوستینده ن ییره سالماق  مقصدینه گوره ، آزادلیق وانسان خقوقلارین ییرینه یتیرمه ک اوچون اوزوه رهن  ۲۱ آذرنهضتی  ایرانین آیری خلقیلرینین  آزادیغینا گوتوریله ن بیر بویوک  امکانیدی. بونا گوره ده  خلقین قارشیندا دوران  امپریلسم وارتجاع  قوه له  ری و محلی مرتجع  فئودال لار ، بویوک سرمایه دارلار و مرتجع آخوندلار توطئه سیله مواجه اولوب وانقلاب رهبرله رینین بیرپارا اشتباه لارینا گوره  بیر ایل ده ن چوخ دوام ایتمییب و شاه قشونونون  آمریکا وانگلیس   توطئه و هجومونا معروض قالدی  . ایران شاهنشاه اردوسو  ، تمام مرتجع قشر له ر و قوه له ر وامپریالیسم مستشارلاری یاردیمی وبلواسطه رهبرلیگیله  آذربایجانا هجوم  ئدیلر.

بو هجومون قاباقیندا دایانان ،  زحمتکش وانقلابی فدائی دسته لری  فداکارلیقلا گیجه گوندوز یورولمادان  آخیر نه فه سه قه ده ر دایاندیلار . جان ویردیله ر اما اوز حق له رینده ن مدافعه ئدیله ر، بونلار آزادلیق یولونون  قهره مانلاری  وانسانین آزادیق و سعادت یولونین  پارلاق ئولدوزلاریدی . تاریخ اونلارین فدا کارلیقلارین یاددان چیخارتماز نیجه کی  خائین له رین آدلاری  خیانتله ریدی یاددان چیخمیراجاق . نه دونن ، نه بوگون و نه ده که له جه کده .

آذربایجان خلقی بو تاریخده ن و محصوصا 21 آذر انقلابی دموکراتیک حرکت ده ن درس آلیب  و ئوز مبارزه سینه ادامه وه رمه لیدور ، ایندی  شه ییرینه شخ ئتوروپ و  ظلم و ستم و حقسیس لیک اسلام جمهوریه تینده ده ادامه تاپیب و مبارزه ده دوام  ئیده جک .

نه جه کی آذربایجان خالقی خرداد حرکتینده نشان ویردی که   ایللر بویو اورگینده  یاتان کینه ونفرت  ایران اسلامی حاکمیتنین ظلم وستم و شونیستی تشبثاتینه و اولکه ده گده ن  ظلم وستم واستثمار  وحق سیزلیک علیه نه الولاندیریب  و ارتجاع باشچیلارینا گوستردی که اوز مطالبه لرینی یرینه یتیرمک اوچون مصمم بیر صورتده  چالیشماغا باشلییب .

آذربایجانین شهرلرینده عمومی بیر ترپنمه  دولتی روزنامه ده یازیلمیش بیر توهین آمیز مطلبه گوره باشلاندی . اما آیدین دور کی آذربایجاندا باشلانان  ترپنمه ایللر بو یو  ظلم وستم  آلتیندا قالان خقسیز مله تین اورکده ن چیخان سه سی  دور که  سویلییر : من بو ظلم و ستم واستثمارا بویون قورمییام .

شبهه سیز  اسلام جمهوریتی و ایرانین ثروت وقدرت صاحیبلاری  تمام آذربایجان و ایراندا یاشیان آیری زحمتکشله رین دشمنیدیر  ، مشترک دشممنه قارشی مبارزه ده  بوتون ایران خالقلاری  ومخصوصا کارگرلر و زحمتکش انسانلار  دوستلوقو  ، محبتی و بین الملل بیرلیگی  گه ره ک داهیدا محکم له شه  .

آذربایجان کارگرله ری زحمتکش لری  جوانلار  ، قادینلار  انقلابی و مترقی روشنفکرلر گرک کی  گچمیش  تجربه لرده ن خصوصا  ۲۱ آذر قیامینین  وجودا گل مه سینین و اونون بیر ئیل دوام ئدیب و سونرا سینماسینین تجربه سین ده ن  درس آلا لار بو تجربه لرده  حیات ومبارزه حقیقتلرینی گوروروک ، 21 آذر نشان ویردی که  انقلابی انرژی  منبع سی  خلقدیر ، ئوزگه قوه له ره اعتماد ئت مه مک گرک  ،  تارخ بویو دوام ئدن آزادلیق حرکاتینین  بویوک انرژی منبع سی  خالقدیر ، خلقین قوه سی  اگر متشکل اولا و آیدین  صوره تده  آگاه واویاخ اولا، مغلوب ئدیله بیلمز .  دشمنه غله به چاتیب و  ئوز سرنوشت له رینه اله آلماق اوچون  بیرلشین ، متحد و متشکل اولون .

آذربایجاندا  ۲۱ آذر نهضتینده چالیشیب ، ووریشیب  آزادلیق  وسعادت اوغروندا شهید اولانلار بیزله ر اوچون بویوک بیر سرمشق اولمالیدیر .

 یاشاسین آزادلیق    یاشاسین سوسیالیسم

بیرلشمیش فدائیله رین آذربایجان کمیته سی ۲۱ آذر ۱۳۸۵