مارس آینین سگیزینین یوزیمینجی ئیل دونیمی مناسبتینه

بیرلشمیش کمونیست فدائیلرین آذربایجان ایالتی کمیته سی

 مارس آینین سگیزینین یوزیمینجی ئیل دونیمی مناسبتینه مارس ایینین سگیزینین یوز ایلیمینجی دونومی گونیدی .
 آزادلیخ وبرابرلیک یولوندا چالیشان اینسانلار حاضیرلاشیلار کی بوگونی دنیا بویوندا جشن توتوب وقادینلارین جنسی ستم علیهینه مبارزسینده اونلارینان دنیا سطحینده ئوز علاقه لرین و بیرلیکلرین نشان  ورسین لر.   بو  یوز ئیل عرضینده  بتو آزاد لیخ وبرابرلیک یولندا مبارزه ائدن کیشی و قادینلار ین تلاشلارینین  سایه سینده  میلیونلار قادین ئوز حقوق لاریلا آشنا اولوب و آرتیق ستم  و مرتجع کیشی سالار سنت لریله  علیهینه مبارزیه ال وروبلار. دیمک  اولار کی  قادین اجتماعی حرکتلری ده آیری بیر اجتماعی حرکتلر کیمی   هانسی طبقه و قشر منفعتیندن  اونا باخاسان  اونا گوره ده مختلف  دوشونجه لر و پروگراملارو باخیشلار بو حرکتین ایچینده  ئوز دوشونجه لرینی داغیدماقدادیلار. آنجاخ کی  بورژوالار و مرتجع گروه لار قادین حقوقلارینا گله نده  بیر حسه  باشی دیبی کسیلمیش حقوقدان چوخ قاباقا گتمیلر. ئیش حقی، رای حقی و ئورنگلیک  .تازا بونلارآنجاخ پارلمانتاریالاریندا تصویب اولاندان سونرا اون لار ئیل  چکدی تا  اکتبر انقلابیندن سونرا و چوخ خالق حرکاتیندن سونرا  بیر پاراسی نا عمل اولدی .
آذربایجان وایران حدودیندا دا دیمک ئولارکی بو یوز ئیلین عرضینده چوخ بویوک حرکتلر و چالیشمالار انسان حقوقلارینین یولوندا و اونان باشقا قادین حقوق لارین اله گتری مک اوچون  باش وریب. 20 مینجی عصرین اول لرینه جه  ایران قادینلاری  بتوو ئوز حقوقلاریندان محروم و حتی اونلارا یازیب واوخماق بیر بویوک جرم مجسوب اولوردی . قادینلارین  مخصوصا آذربایجاندا  مشروطه انقلابیندا مشارکت ئله مگینن   امید وارلاریدی کی  بیر پارا حقوقلارینی اله گتریرسینلر . اما  نه آذربایجان و نه ده ایرانین ایری  حسسه لرینده  بو حقوقلاردان بیر خبر اولمادی. آنجاخکی  قادین حقوقلاری  آذربایجان 21 آذر نهضتینن نتیجه سینده برقرار ئولوب و ایرانین آیری  شهرلرینده قادینلارین آییلیشندا بیر چوخ تاثیر قویموشدی. 21 آذر نهضتی قادینلارین دا حیاتینا جدی تأثیر گؤسترمیش و ایراندا بیرینجی دفعه اولاراق قادینلاری اجتماعی حیاتا جلب ائتمیش میشدیر.قید ائتمک  لازیمدی کی " آذربایجان قادینلار تشکیلاتی 1945- جی ایل، دئسامبرین 26- دا تشکیل ائدیلدی. 1946- جی ایل ژوئیه نین 4-ده قادینلار تشکیلاتی نین 600 نفرعضوی نین اشتراکی ایله گئنیش اجلاس چاغیریلدی.اما تاسفیله ایران ارتجاسی واونا یاردیم امپریالیستلر بیله بیر انکشافی آذربایجاندا ئوز منفعتلرینه قاریشی گوروب و محلی  ارتجاعیله  ال بیر ئولوب و نهایت بو بویوک نهضته غلبه چاتاندان سونرا تمام دموکراتیک واجتماعی حقوقلار و همیده قادینلارین اله گتدیگی حقوقلار بتولیجه محوو نابود اولدولار.ایندی آنجاخ کی ایراندا ارتجاعی اسلامی حکومتینین سرنیزه سی آلتیندا و بویوک وارلیلارین منفعتینه باغلی  اولان ستم و کهنه فکیرلیک و قدیم دوشونجه لر وقادین حقوقلارینا قارشی حرکت لر اشاعه وریلیر و باشقا اونلاری قانونا تبدیل ئتمگینن  قادینلاری بوتون اجتماعی وبشری حقوقلاردان محروم ائدیب لر.اونا گوره قادین حقوقلاریندان مدافعه ئتمک  آیری بیر ظلم وملی ستم و استثمار علیهینه مبارزه و بونلاردان باشقا ، بو ارتجاعی ومذهبی و قادینا قارشی حکومتی  ورروب داغیدیب ییره سالماقینا محکم وتاریخی باغلیلیخ وار.علاوه بونلار دان گرک کی ئوز ئمیزده و ایشیمیزده و مدرسه میزده  و هر ییرده کی واروخ بو ستم و ارتجاعی سنت لرینن مبارزه ئده ک . یاددان چیخارتمییاخ کی، ئوزون انقلابی مبارزیه مالک اولان آذربایجان قادینلارینین حرکاتی  اوزون تاریخه مالکدیر. بیر نمونه اوچون دیمه لییک کی یوزله رجه آزاد و شجاعتلی ،طاهره قرت العین ، پروین اعتصامی  ومرضیه احمدی اسکو کیمسه انسانلار قادین حقلرینین یولوندا مبارزیه ال ویریب و بویولدا جاندان ومالدان گچیبلر. تاریخ آذربایجان قادینلارینین  انقلابی حرکاتین هیچ واقت ئونودمیاجاخ . ایندی 8 مارسین یوزیمینجی ئیل دونیمینده دئمه لیریک کی، بیزلره بویوک وظیفه دیر آذربایجان قادینلارینین اقتصادی، سیاسی و اجتماعی وفرهنگی وجنسی حقوقلاریننان، اوشاقلارین حیاتی نین قوروماسی و خوشبخت گله جه یین تأمین ائدیلمه سی، آذربایجاندا زور ، ستم واستثمارا سون قویماق اوغروندا داها فعال مبارزه آپارماغا  ال وورمالییوخ. ستم ، تعصب،جنسی ، تهدیدلر واهانتلر و تبعیضلر ،مذهب و تعصب اوزونده و تمام ظلم وستم استثمار علیهینه و آزادلیخ برابرلیکه ال تاپپاخ اوچون  بیرلشیب و ئوز سرنویشتیمیزی اله آلماق اوچون ایاغا قالخمالییخ .بیرلشمیش کمونیست فدائیلرین آذربایجان  ایالتی کمیته سی  8 مارسین یوزیمینجی ئیل دونیمی مناسبتینه تمام آذربایجان انقلابی و مبارز  اینسانلارینا  تبریک ئدیر و ئونلا رین  ظلم و ستم علیهینه  آپاران مبارزه ده غلبه آرزو ئدیلر. 

محو اولسون ارتجاع

یاشاسین  8 مارس

 یاشاسین سوسیالیسم

 بیرلشمیش کمونیست فدائیلرین آذربایجان ایالتی کمیته سی14 اسفند 13867 مارس 2008